1-й лик: Господи, воззвах к Тебе, услыши мя; /услыши мя, Господи./ Господи, воззвах к Тебе, услыши мя; /вонми гласу моления моего./ Внегда воззвати ми к Тебе: /услыши мя, Господи.
2-й лик: Да исправится молитва моя, /яко кадило пред Тобою, / воздеяние руку моею, /жертва вечерняя./ Услыши мя, Господи.
Положи, Господи...(Пс.140, 141).
На 10 стихов (стихир): Изведи из темницы душу мою, /исповедатися Имени Твоему.
Мене ждут праведницы, /дондеже воздаси мне.
На 8: Из глубины воззвах к Тебе, Господи, /Господи, услыши глас мой.
Да будут уши Твои /внемлюще гласу моления моего.
На 6: Аще беззакония назриши, Господи, Господи, кто постоит?/
Яко у Тебе очищение есть.
Имене ради Твоего потерпех Тя, Господи, потерпе душу моя в слово Твое, / упова душа моя на Господа.
На 4: От стражи утрения до нощи, от стражи утрения, / да уповает Израиль на Господа.
Яко у Господа милость, и многое у Него избавление:/ и Твой избавит Израиль от всех беззаконий его.
Хвалите Господа вси языцы, / похвалите Его вси людие.
Яко утвердися милость Его на нас, / и истина Господня пребывает во век.
Славо Отцу и Сыну и Святому Духу.
И ныне и присно и во веки веков. Аминь.
Догматик или стихира.
Вход с кадилом
Молитва входа
Иерей: Вчера, и заутра, и полудне, хвалим, благословим, благодарим и молимся Тебе, Владыко всех: исправи молитву нашу, яко кадило пред Тобою, и не уклони сердец наших в словеса, или в помышления лукавствия, но избави нас от всех ловящих душы наша, яко к Тебе. Господи, Господи, очи наши, и на Тя уповахом, да не посрамиши нас, Боже наш.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
Диакон: Благослови, владыко, святый вход.
Иерей(благословляя): Благословен вход святых Твоих, всегда ныне и присно и во веки веков.
Диакон: Премудрость, прости.